Познатите фармерки Levi’s 501 се создадени од имигрантот роден во Латвија, Џејкоб Дејвис, со финансиска поддршка на Леви Штраус. Џејкоб се преселил во Невада, станал кројач и правел панталони за локалните рудари во Рено. Панталоните не биле доволно издржливи за долгите смени на работниците и постојано се кинеле. За да го реши проблемот и да ги зајакне критичните точки, Џејкоб додал метални нитни.
Со нив новиот дизајн на панталоните станува хит во Рено, кој работниците сакаат да го купат. Гледајќи ги потенцијалот на пронајдокот, тој заклучил дека производот мора да се заштити.
Фармерките на Џејкоб Дејвис штотуку прославија 150 години. А, доби патент за својата идеја, благодарение на финансиската поддршка од Леви Штраус, кој исто така бил имигрант роден во Германија, произведувач на сувомеснати производи во Сан Франциско. Во бизнисот влегле и двајцата. Штраус како одговорен за логистика, а Џејкоб за производство на фармерки, кои беа рекламирани како „комбинезони на половината“, бидејќи често се носеа како заштитни панталони.
Денешниот Levi’s 501 не се разликува значително од оригиналната ткаенина Тексас, која е поврзана со физичка работа и со генерации ја носеа африканските и афроамериканските потомци, пишуваат медиумите. Панталоните ги носеа кинески мигранти кои ја изградија трансконтиненталната железница, бидејќи со додавањето на метални нитни тексасот станува поиздржлив од било кога.
До 1890-тите, Штраус и Дејвис ги усовршија панталоните и го додадоа серискиот број 501. Денешните фармерки 501 не се значително различни од оригиналот. Направени се само мали промени, додадени се два џеба и јамки за појас, пишува CBS News.
Во триесеттите години на минатиот век, вестерн филмовите прикажуваа каубојци кои носат фармерки, па набрзо станауваат и популарни меѓу оние кои не работат физичка работа. Тексасот почнаа да го носат и мажи и жени, што укажува на родова еднаквост, а фармерките станаа симбол на американската култура.
