Љамалари тврди дека е сигурен оти Заев ќе освои многу албански гласови во сите изборни единици каде што има Албанци. Запрашан за изјавите на Заев за двојазичност и федерализација, тој додава дека и Никола Груевски ја имал шансата да стане херој на Албанците како што денеска е Зоран Заев.
-Ако Никола Груевски го направеше ова што денес го прави Зоран Заев со овој директен пристап до граѓаните Албанци, денес Македонија би била сосема поинаква. Албанците во Македонија имаа страв од Албаниците што беа на власт или од тие партии што беа стратешки партнери на Никола Груевски.
Лидерот на Албанците од дијаспората неколку пати има остварено средби со лидерот на СДСМ. Околу неговата соработка со Заев, Љамалари вели дека лидерот на СДСМ по малку се плаши да има соработка со албанската дијаспора.
-Последниот пат јас се сретнав со него во„Александар Палас” каде што бевме гости кај реисот на ИВЗ за бајрамската баклава. Заев не треба да се плаши од албанската дијаспора, туку треба да се плаши од некои групи што зборуваат албански и немаат ништо со Албанците и нивните интереси. Мислам тука на некои групи кои се позната како групи што пропагирааат лажен политички ислам во Македонија, вели Љамалари.
Љамалари е помеѓу првите јавни личности во Македонија кои јавно кажаа дека се залагаат за федерализација.
-Ние имаме барања, но ние сме дијаспора и не можеме да одлучуваме. Сите знаат дека јас сум за федерализација, се разбира, тоа не го кријам, имав средба со Заев, му ја искажав поддршката, а гледајте потоа, овие новите албански партии се приклучија на протестите – рече Љамалари.
Пред два дена на Фејсбук, Љамалари потпишан како Tim Shkupi, или Тим Скопје, метафорички однесувајќи на се на тимот подджувачи кој тој ги има во Скопје, го напиша следниот статус:
„Овој ја има најтешката задача. Овој има благослов од Господ. Ќе победи убедливо!!! Доколку не победи, изборите ќе бидат прекинати!! Ви кажувам со време!! Да живее социјалистичката партија.“
