Во првиот дуел од 12-то коло на Вест Хем Јунајтед славеше со 2:1 на гости кај Лидс Јунајтед, и се проби до петото место на табелата.
Лидс поведе уште во 6 минута со голот на Матеуш Клих од пенал, но потоа следеше пресврт на екипата од Лондон. Прво израмни во 25 минута Томаш Соучек, а во 80 минута на гостите победата им ја донесе Анџело Огбона.
Македонскиот репрезентативец Езџан Алиоски повторно беше во стоставот на Лидс од почетокот а во 33 минута заработи жолт картон поради старт од зад грбот на провитничкиот напаѓач, по што на полувремето беше заменет со играч од средниот ред Џејми Шеклтон.
Вест Хем моментално е петти со 20 бодови, но дури пет клубови претендираат на оваа или повисока бодовна залиха во ова коло. Лидс засега остана на 14-то место со 14 бодови.
Во саботат се игра големото дерби на Манчестер во кое на „Олд Трафорд“ Јунајтед му е домаќин на Сити. Играат уште и Њукасл- Вест Бромвич и Евертон – Челзи.
Во недела: Саутемптон – Шефилд Јунајтед, Кристал Палас – Тотенхем, Фулам – Ливепрул, Лестер Сити – Брајтон и Арсенал – Барнли.
