Четириесет и тригодишниот Фестим Лато, самопрогласениот „премиер на Чамерија“, кој на 21-ви јули беше најден убиен во канал во Амстердам, имал сопствена војска на неговиот имот во селото Герделанд крај холандскиот град Аферден, објави холандскиот весник Telegraph.
Според весникот, фармата личела на касарна, а припадниците на ткн Ослбодителна војска на Чамарија, ги обучувале припадници на безбедносните сили од Косово.
Холандските власти биле свесни на фактот дека Лато организирал приватна војска на својот имот во Аферден, но дека од непознати причини, не реагирале.
Фестим Лато, во минатото постираше фотографии од Ослободителната армија на Чамерија, ги презентираше и пасошите на делот од Грција (Северен Епир) кои за Лато и неговите приврзаници е окупиран дел од Албанија и од каде по Втората светска војна биле протерани илјадници Албанци.
За време на денот на албанското знаме, 28-ми ноември, албански национален празник, на тој имот организирана е „воена парада“, а Лато по тој повод изјавил: „Ова е војска која ја создавам“. Таа организација е наречена “Осободителна војска на Чемарија“, со акроним сличен на оние кои се користеле на Косово, во Македонија и на југ на Србија.
Холандскиот весник објави фотографии и видеа од парадата на приватната армија на албанскиот политичар, како и изјави на некои холандски пратеници кои го нарекуваат Фестим Лато опасен.
„Овој човек беше потенцијално опасен и кршеше бројни закони. Сакам да знам од министерот дали знаеше што се случува. Јас исто така сакам да знам каде замина оваа приватна војска и посебно каде заврши нејзиното оружје. Како е можно еден измамник од една непозната земја да формира војска тукаЕ, изјави пратеник во холанскиот шарламент обвинувајќи ги полицијата, судот и општинските власти.
Весникот, исто така, наведува и дека Лато измамил поголем број бизнисмени од кои земал седум милони евра и оти неговата смрт, според сите околности претставува „одмазда“ на „жртвите“ на кои им ветувал држава Чамарија, а нивните семејства ги оставил во беда. Нотар, чиј идентитет не сакал да биде наведен, поради неговата работа, дополнително ја открива шемата на измама на Лато.
„Овој човек предизвика беда во многу семејства кои наседнаа на неговите зборови. Тој доведе голем број семејства во финансиска бездна, мамејќи ги за Чамарија. Тој фалсификуваше официјални документи, за да „докаже“ пред нив дека неговата организација добива милиони евра од Европската Унија. Тој им бараше на луѓето големи износи на пари и на оние кои ќе му поверуваа им ветуваше дека кога ќе ја формира Чамарија великодушно ќе бидат наградени за тоа, изјави нотарот кој додава дека Лато имал милиони евра и оти е сигурен дека истите ги трансферирал во Албанија, како што верува дека убиството е „одмазда“.
Лато е роден во Валона, а 25 години живееше во Холандија а независноста на „Република Чемарија“ од Грција ја прогласил на 30 октомври 2016 година кога се именуваше и за претседател на републката. Во 2017 вети дека ќе почне со изработка на првите 500 пасоши на „Република Чамарија“. Во 2005 година објави формирање Ослободителна војска на Чамарија, која во грчкиот пограничен град Јанина, разделуваше брошури за ослободувањето на Чамарија од Грција.
–„За кратко време, според информациите што ги имам од различни извори, границите ќе се променат, но во полза на Албанците. Ниту една педа албанска земја нема да премине во рацете на Грците, Македонците или Црногорците. Сиве овие простори кои насилно ни се одземени ќе бидат обединети во еден центар, во како што се нарекува „Природна Албанија“, изјави Лато пред неколку години.
Албанската политика имаше пасивен став кон Фестим Лато, кога тој го повикаше народот да му веруваат за проектот да создаде една Албанија во која секој би сонувал да живее, вклучувајќи ја и територијата на Чамарија.
Лато беше погребан на 27-ми јули во родната Валона, Албанија, а беше испратен со знаме на „Голема Албанија“.
