Убедливиот пораз од Хрватска со 94-80 во пријателскиот натпревар, последен пред заминувањето во Шпанија, не е нешто најлошо што можеше да ги снајде Литванците.
Многу полошо за селекторот Јонас Казлаускас звучи веста за повредата на првиот плејмејкер во тимот, Мантас Калниетис.
Кошаркарот на Локомотива нема да биде во состојба да им помогне на соиграчите на Мундобаскетот во Шпанија.
Калниетис незгодно падна на мечот со Хрватска и првите снимки покажаа дека ја повредил клучната коска, па ќе мора да паузира извесен период.