Фудбалерите на Ливерпул изборија пласман во четвртото коло од англискиот ФА купот, откако во повторениот дуел од третото коло на гостувањето го совладаа Вулверхемптон со 1:0.
Првиот натпревар на овие две екипи, одигран на 7-ми јануари на „Енфилд“ заврши без победник со резултат 2:2.
Овојпат Ливерпул славеше минимално со решавачкиот погодок на Харвио Елиот во 13 минута по асистенција на Тиаго Алгантара.
Ливерпул сега го очекува гостувањето кај Брајтон енд Хоув Албион на 28-ми јануари во средбата до 16-финалето.
Во четвртото коло се најде и Вест Бромвич Албин кој го победи петтолигашот Честерфилд со 4:0, откако првиот дуел заврши без победник 3:3. Стрелци беа Џон Свифр во 23, Том Рогич во 48, Џејк Левермор во 54 и Џовен Малколм во 90 минута.
Лутон Таун на гостувањето со 2:1 го победи Виган. Домашните поведоа во првата минута од второто полувреме преку Тело Аасгард но по пет минути израмни Коули Вудроу, а победничкиот погодок за Лутон го постави Елија Адебајо во осмата минута од судиското продолжение.
Со идентични резултати во полза на гостинските екипи завршија и дуелите Свонси – Бристол Сити и Бирмингем – Форест Грин Роверс.
