Шумски пожари го зафатија Лос Анџелес во средата, убивајќи најмалку пет лица, уништени се стотици домови и оптоварувајќи ги ресурсите за гаснење пожари и снабдувањето со вода до крајни граници, додека повеќе од 100.000 луѓе
добија наредба да се евакуираат.
„Бројот на загинати во шумските пожари што беснеат околу Лос Анџелес се искачи на најмалку пет и може да биде поголем“, изјави шерифот на округот Лос Анџелес, Роберт Луна, во средата за KNX News Radio.
Силните ветрови ги отежнуваат операциите за гаснење пожари и ги разгоруваат пожарите кои неконтролирано горат откако избувнаа во вторникот. Пет одделни пожари горат во округот Лос Анџелес, а според властите во сојузната држава, сите биле надвор од контрола, вклучително и два пожара кои го зафатија градот.
На западната страна, пожарот наречен Палисадес проголта 6.406 хектари и 1.000 објекти во ридовите меѓу Санта Моника и Малибу, напредувајќи надолу во кањонот Топанга додека не стигна до природната бариера Тихиот Океан. Тоа е еден од најразорните пожари во историјата на Лос Анџелес.
На исток, во подножјето на планините Сан Габриел, пожарот наречен Итон изгоре над 4.289 хектари и уби најмалку пет луѓе. Приватниот прогнозер AccuWeather ја процени почетната штета и економската загуба на повеќе од 50 милијарди долари.
„Се соочуваме со историска природна катастрофа. И мислам дека тоа не може да се каже доволно силно“, рече на прес-конференција Кевин Мекгован, директор за управување со итни случаи за округот Лос Анџелес.
Небото над Лос Анџелес на некои делови беше црвено и покриено со густ чад. Речиси милион домови и бизниси останаа без струја во округот Лос Анџелес, според PowerOutage.us.
Нема доволно пожарникари и вода
Три помали пожара во округот, исто така, ги оптоварија ресурсите за гаснење пожари кои веќе беа исцрпени, а недостигот на вода го погоди Пацифик Палисадес, луксузна крајбрежна енклава каде што шумскиот пожар зафати 6.406 хектари.
„Нема доволно пожарникари во округот Лос Анџелес за да се справат со четири одделни пожари од оваа големина“, рече началникот на пожарникарскиот округ Лос Анџелес, Ентони Мароне.
Побарувачката за вода, исто така, предизвика некои хидранти во Пацифик Палисадес да пресушат откако се испразни последниот од трите големи резервоари за вода во областа, изјавија официјални лица.
„Го доведовме системот до негоите граници. Се бориме со шумски пожар со урбани водни системи и тоа е навистина предизвик“, рече на прес-конференција Џенис Кинонес, извршен директор на Одделот за вода и енергија во Лос Анџелес.
Пацифик Палисадес се потпира на три резервоара кои чуваат околу еден милион галони (3,78 милиони литри) секој, а побарувачката за вода за гаснење пожари на пониски височини го отежна полнењето на резервоарите за вода на повисоките места, рече таа.
Некои хидранти пресушија околу 3 часот наутро. Бидејќи ветрот и чадот ја ограничуваат можноста за воздушна поддршка, пожарникарите останаа без доволно вода за да се борат со пламените јазици.
Вгнезден во ридовите со спектакуларен поглед на океанот, Пацифик Палисадес е едно од најскапите населби во земјата со типичен дом проценет на 3,7 милиони долари кон крајот на 2023 година. Тој е дом на многу филмски, телевизиски и музички ѕвезди, вклучувајќи ги и Џејми Ли Кертис, Менди Мур и Марк Хамил, кои сите беа принудени да ги напуштат своите домови.
Пожарите избувнаа во особено чувствително време за Јужна Калифорнија, која допрва треба да забележи значителни количини на врнежи од почетокот на „водената“ година во октомври.
Научниците велат дека пожарите, кои избувнуваат надвор од традиционалната сезона на шумски пожари, го означуваат последниот во серијата временски екстреми кои најверојатно дополнително ќе ескалираат бидејќи глобалните температури продолжуваат да растат во наредните децении.
