Македонија со новите десетици заразеи од коронавирусот влегува во нов пик на епидемијата, а во услови кога сите земји во регионот немаат заболени и по две седмици, земјата поради лошиот менаџмент на Владата на СДСМ е остров на зараза во сред регион без корона, вели Игор Николов, член на ИК на ВМРО-ДПМНЕ.
„Организирање на избори во ваков пик на коронавирус претставува масовно самоубиство. Деновиве стана јасно, дека постои силно политичко влијание и притисок врз Комисијата за заразни болести. Тие работат под политички диктат на Зоран Заев и Венко Филипче. Наместо заштита на здравјето на граѓаните, Комисијата се труди да му удоволи и да ја спаси политичката кариера на еден политичар во заминување“, рече Николов.
Посочи дека додека во земјите од регионот и во светот се прават јасно детерминирани и дефинирани планови за олабавување на мерките, претседателот на Комисијата и членовите од кои шест директори назначени од министерот за здравствто Венко Филипче, и еден на листа за пратеници, сакаа да му удоволат на лидерот на СДСМ, Зоран Заев.
„И тоа со убедување дека ќе изготват јасни протоколи кои ќе ја обезбедат и заштитат популацијата. За жал, само во последните три дена имаме 125 ново заразени и плус денешните 60-ина и 12 починати од кои 5 во текот на вчерашниот ден. Професионално размислување на лекар, никогаш не би потврдило и препорачало дека во вакви услови, можни се безбедни избори“, истакна Николов
ОЦени дека Македонија се претворла во земја која го има својот втор пик на коронавирус уште сега.
„Кампањата и делењето на пакети по штабовите на СДСМ си го сторија своето“, категоричен е Николов
Додаде дека статистичките податоци укажуваат дека Македонија е на второ место во југоисточна Европа по бројот на починати на милион жители веднаш пое Романија.
„Имаме повеќе починати на милион жители од Грција, Бугарија и Албанија заедно. Земјите од опкружувањето како Црна Гора, Словенија и Хрватска, во последните неколку недели немаат ниту еден ново регистриран случај“, заклучи др Николов