Новата американска стимулативна шема за субвенционирање на локалните производители на електрични автомобили ризикува да создаде клин меѓу западните земји, предупреди во средата францускиот претседател Емануел Макрон, поради стравувањата од трговска војна меѓу Америка и Европа.
Говорејќи во француската амбасада во Вашингтон, Макрон рече дека шемата ќе има негативно влијание врз Европа со тоа што ќе ја направи помалку атрактивна за бизнисите да инвестираат во економијата на континентот.
Американскиот закон за намалување на инфлацијата (IRA) нуди стимулации од 391 милион долари за промовирање чиста енергија, вклучително и поддршка за производителите на електрични возила.
„Тоа што се прави изминатите неколку месеци, особено IRA, ќе го фрагментираат Западот“, рече тој, додавајќи дека ЕУ и САД треба „да ги координираат и повторно да ги синхронизираат политичките агенди“.
Макрон го опиша економскиот план како „супер агресивен“ кон европските компании за време на состанокот со американските пратеници од двете главни партии, според неименуван извор на Ројтерс.
„Можеби ќе го решите вашиот проблем, но ќе го зголемите мојот проблем“, додаде тој, цитиран од АФП, предупредувајќи дека американскиот поттик може „да убие многу работни места“.
Во меѓувреме, во средата, на прашањето за европската загриженост во врска со овој чин, портпаролката на Белата куќа, Карин Жан-Пјер, рече дека тој „претставува значителни можности за европските фирми, како и придобивки за енергетската безбедност на ЕУ“.
Во последниве месеци, Законот за намалување на инфлацијата беше особено трнлива тема во трансатлантските односи, при што различни лидери на ЕУ тврдеа дека тој ги дискриминира Европејците бидејќи може да им даде предност на американските производители на електрични возила во однос на нивните колеги од ЕУ на профитабилниот американски пазар.
Додека ЕУ и САД се обидуваат да ги решат своите несогласувања, Бернд Ланге, претседател на трговската комисија на Европскиот парламент, предупреди дека кога шемата ќе стапи на сила за неколку недели, ќе биде предоцна за страните да преговараат за какви било промени во законодавството. Тој додаде дека, доколку тоа се случи, ЕУ најверојатно ќе поднесе тужба против Вашингтон до Светската трговска организација.
