Францускиот претседател Емануел Макрон повика на повлекување на руските сили од нуклеарната централа Запорожје, јави дописникот на МИА. Тој денеска разговарал со украинскиот колега Володимир Зеленски.
Тој се плаши за безбедноста на украинските нуклеарни инсталации.
„Светот ќе загуби од тероризмот и ќе подлегне на нуклеарната уцена доколку ништо не се преземе за да се спречи несреќата во нуклеарната централа Запорожје“, изјави Зеленски.
Русија ја презеде нуклеарната централа Запорожје, најголемата нуклеарна постројка во Европа, набргу откако ја нападна Украина во февруари.
