Според специлизираниот фудбалски портал, Goal.com преставници од Андерлехт во Лондон оствариле одвоени средби со челниците на Јунајтед и Челзи околу евентуалниот трансфер на Тилеманс во Премиер лигата.
Скаутите на Манчестер Јунајтед подолг период го следат младиот фудбалер на Андерлехт и се главен фаворит за неговиот потпис.
20-кратниот англиски шампион има намера на “Олд Трафорд” да ги доведе најдобрите млади таленти во светот, а по Лук Шо, Мемфис Депај и Антони Марсиал, на добар пат е да ги ангажира и Тилеманс.
Предност на “црвените ѓаволи” ќе биде и минутажата која му ја ветуваат на белгискиот фудбалер, а кој ќе пристигне како наследник на Мајкл Карик.
За разлика од Манчестер, Челзи има навика своите млади талентирани фудбалери да ги праќа на позајмица, а токму таков е и случајот со уште еден поранешен фудбалер на Андерлехт, Ромелу Лукаку.
Корпулентниот напаѓач пристигна на “Стемфорд Бриџ” на 18-годишна возраст, но по неколку позајмици, тој заврши во тимот на Евертон.
Токму овој факт би требало да биде и клучен момент во одлуката на Тилеманс околу својата идна дестинација.
18-годишниот играч за врска две години по ред е најдобар млад фудбалер во белгискиот шампионат, а според многумина стручњаци тој е еден од најголемите светски таленти.
Тилеманс дебитираше во Лигата на шампионите уште на 16 годишна возраст, што го прави еден од најмладите дебитанти во историјата на ова натпреварување.
