Три лица се повредени, од кои едно се бори за живот по сообраќајна несреќа која околу полноќ се случила на крстосницата со улиците „Сава Ковачевиќ“ крак 1 и 11.
Од полицијата информираат дека 22-годишниот Б.Ј. од скопско Сопиште управувајќи автомобил „пежо“ удрил во три паркирани возила, „шкода“ паркирана од 30-годишниот Ј.Ј. од Кратово, „фолксваген бора“ паркиран од 55-годишниот Ј.Н. од скопско Стајковци и „фиат добло“ паркирано од непознат возач.
Со возило на Итна медицинска помош, возачот на „пежото“ бил пренесен во Градската општа болница „8-ми Септември“, а возачите на паркираните автомобили кои во моментот на несреќата биле во нив биле пренесени во блоницата „Свети Наум Охридски“.
Лекарските екипи кај Ј.Ј. констатирале тешки повреди и истиот се наоѓа во животна опасност, со фрактура на ребрата и напукната слезина.
Кај Б.Ј. од Сопиште и Ј.Н. од Стајковци констатирани се телесни повреди и истите се пуштени на домашно лекување по укажаната лекарска помош.
На местото на настанот полициски екипи извршиле увид.
