Со месеци се шпекулира дека Килијан Мбапе ќе го напушти Пари Сен Жермен една година пред да му истече договорот и дека сака да се пресели во Реал Мадрид.
Оваа „теорија“ беше уште поизразена по доаѓањето на Лео Меси во Париз. Сепак, Французинот изгледа не сака да ја пропушти можноста да игра во ист тим со славниот Аргентинец барем една година.
Претходните денови француските и шпанските медиуми ја објавија средбата на Килијан Мбапе со сопственикот на ПСЖ, Насер Ал-Келафи, на која ќе побара да го напушти клубот.
Меѓутоа, сега пристигнуваат информации дека Мбапе претходно имал разговор со спортскиот директор на Париз, Бразилецот Леонардо и дека донел дефинитивна одлука да остане меѓу „светците“ уште една година.
Во исто време, тешко е да се очекува дека Пари Сен Жермен ќе успее да го убеди да потпише нов долгорочен договор.
Ваквата одлука на Мбапе донесе тага кај навивачите на Реал Мадрид, кои очекуваа дека одличниот Французин ќе биде следната голема аквизиција на „кралскиот клуб“. Сепак, веста не е толку лоша за Мадрид, кој ќе биде многу среќен да чека една година и да го донесе Мбапе без надомест како слободен играч.
Sources from the PSG dressing room assure that Leonardo has told them that Mbappé is staying. The player has also told his closest circle of the locker room that this year he will stay. Nevertheless, his priority will still continue to be going to Real Madrid. #RMFC [Cadena SER] pic.twitter.com/v8WKQFc0zJ
— Football Talk (@Football_TaIk) August 18, 2021
