Дмитриј Медведев смета дека во последните неколку години односите меѓу Русија и САД во суштина се вратени во ерата на Студената војна.
Тој додаде дека санкциите и конфронтацијата доведуваат до „трајна нестабилност“ во светот.
-Во последниве години, односите меѓу Русија и САД всушност се префрлија од ривалство кон конфронтација и во суштина се вратија во ерата на Студената војна. Притисокот од санкции, закани, спротивставување со конфликти, заштита на нивните себични интереси, сето тоа го носи светот во состојба на постојана нестабилност – рече Медведев, претседател на рускиот Совет за безбедност.
Според него, „Русија денеска, како СССР во минатото, отсекогаш била таа што ги стигнувала САД во однос на нивото на закана за противникот“, потсетувајќи на кубанската ракетна криза од 1962 година, кога Советскиот Сојуз, како одговор кон Америка, распореди стратешко офанзивно оружје на Куба.
-САД, во тие услови, преминаа на натамошно конфронтирање – потсети Медведев.
Тој верува дека два моменти се издвоиле во таа криза.
-Долгорочниот одговор не беше само појавата на ракети покрај брегот на САД. Како прво, тоа беше демонстрација и што е уште поважно, поткревање на свеста кај западните земји за инфраструктурните способности на нашата земја за распоредување воени бази во кои било дел од светот – рече тој.
Вториот аспект, додаде, беше тоа што „ситуацијата, која беше на работ на војна“, ја спасија лидерите на двете суперсили, кои ја задржаа трезвеноста за да ја проценат ситуацијата, кои ја препознаа и прифатија „мудроста“ на компромис и затоа беа подготвени кон концесиите, прецизира Медведев.
Тој, исто така, посочува дека лидерите во одреден момент разговарале директно, во некој не, „но во секој случај имаше рамноправен дијалог меѓу СССР и САД, што не беше воден со јазикот на закани и ултиматуми“.
Медведев ги „посоветува“ САД да ја користат директната комуникација со Русија, не само телефонот за да стапат во контакт, туку и можноста за отворен дијалог.
