Веројатно, Западот одлучи да го елиминира украинскиот претседател Володимир Зеленски, вели заменик-претседателот на рускиот Совет за безбедност, Дмитриј Медведев.
„Обид за атентат на главниот член на Бандера во Полска? Многу е веројатно дека ова е првиот доказ дека Западот одлучил да го ликвидира“, напиша тој на Телеграм.
Медведев, исто така, истакна дека Зеленски сега има причина „да биде сериозно вознемирен“.
Еден ден претходно, на 18 април, во Полска беше приведен маж, Павел К. под обвинение дека бил подготвен да му помогне на руското воено разузнавање во наводен заговор за атентат на украинскиот претседател Володимир Зеленски
Канцеларијата на националното обвинителство на Полска соопшти дека тој сакал да им пренесе безбедносни информации на руски агенти за аеродромот Жешов-Јасионка, во југоисточна Полска.
