Меѓународниот комитет на Црвениот крст повика денеска на претпазливост поради можно ширење на еболата поради масовните патувања за време на божиќните празници во западниот дел од Африка, соопшти МИА.
– Постои ризик од ширење на инфекцијата, доколку не се преземат сите потребни мерки, изјави во Лондон шефот на Меѓународната Федерација на Црвениот крст и Црвената полумесечина.
Оваа федерација има околу 11.000 волонтери во трите земји кои се најтешко погодени од епидемијата на ебола – Гвинеја, Сиера Леоне и Либерија.
Досега од ебола починаа 6.388 луѓе, од вкупно 17.942 регистрирани случаи во осум земји, соопшти вчера Светската здравствена организација.