Канцеларката на Германија, Ангела Меркел, денеска разговарала телефонски со рускиот претседател Владимир Путин за состојбата во Белорусија и тој ја предупреди дека секој обид за мешање во внатрешните работи на таа земја е неприфатлив.
Масовни насилни протести и штрајкови се одржуваат во земјата, предводена од последниот диктатор во Европа, по претседателските избори на 9-ти август, кога победи долгогодишниот лидер Александар Лукашенко, кого опозицијата го обвинува за измама на изборите.
Лукашенко (65) ја водеше поранешната советска република со цврста рака четврт век, не дозволувајќи никаков отпор.
Полициските вооружени сили со камиони однеле стотици демонстранти од митингот во петокот. Многумина кои се ослободени велат дека биле малтретирани во притворот или дури и измачувани.
Путин и рекол на Меркел дека секој обид за мешање во внатрешните работи на Белорусија ќе биде неприфатлив, објави Кремљ.
Секој обид за мешање ќе доведе до ескалација на политичката криза во Белорусија, предупреди Путин.
Денеска Лукашенко ги одликува полициските службеници кои му помогнаа да ги задуши протестите што траат веќе десетина дена.
