Лионел Меси се вклучи во борбата против коронавирусот со тоа што и помогна на градската болница во Барселона да ја набави неопходната опрема.
Меси според информациите на шпанските медиуми на болницата Клиник, која е најголема во Барселона, и дал донација во износ од 1 милион евра со цел да се спречи ширењето на коронавирусот. Оваа вест ја потврдија и од самата болница.
„Лео Меси донираше пари во борбата против вирусот Ковид-19. Лео, фала на поддршката“, стои во соопштението.
Тука не е крајот, Меси исто така донираше непозната, но великодушна сума и во својата татковина Аргентина каде ситуацијата сепак е постабилна и полесна.
За потсетување, ден претходно, Пеп Гвардиола исто така донираше милион евра во својот град Барселона.
