-Денеска е посебен ден овде за Кавадарци и за Македонија и за жителите на Ваташа. На ѕверски начин овие 12 младинци се убиени од бугарскиот фашистички окупатор за време на Втората светска војна и тоа е чин кој што треба сите да не обедини. Тоа е чин кој не треба никогаш да го заборавиме, истакна лидерот на ВМРО-ДПМНЕ, Христијан Мицкоски денеска од Ваташа.
-Јас сум свесен дека денеска голем дел од луѓето кои се активни на политичката сцена во лов на сопствена политичка кариера и ден повеќе да бидат активни во политиката подготвени се дури и ваквите моменти да ги заборават, да ги избрусат, како што тоа го правеа многу пати во минатото со брусење на некои други хералдички знаци кои што се дел од македонското минато. Но, меморијата на овие луѓе никој не може да ја избруси, таа е вечна и таа се пренесува од колено на колено, од баба на внук, од генерација на генерација. Фактот е еден, а тоа е дека бугарскиот фашистички окупатор стрелаше овде во Ваташа 12 младинци, рече тој.
„Слава им и никогаш да не заборавиме“!, порача Мицкоски.