Претседателот на Хрватска, Зоран Милановиќ, не може да се кандидира за премиер, одлучи Уставниот суд. Тој не може да биде кандидат на листата на СДП се додека ја извршува функцијата претседател.
Судот предупреди дека актуелниот Милановиќ како непартиска личност не смее да биде кандидат за пратеник, ниту кандидат за премиер, ниту на кој било начин да учествува во изборната кампања.
Шепаровиќ кажа дека доколку Милановиќ сака да се кандидира за функцијата, прво мора да поднесе оставка од функцијата претседател, по што должностите на претседателот ќе ги преземе претседателот на парламентот, а во рок од 60 дена треба да се распишат претседателски избори.
Шепаровиќ ги повика Милановиќ и СДП да постапат во согласност со Уставот на земјата. Уставниот суд, додаде тој, очекува сериозност од Милановиќ и другите учесници во изборниот процес.
