Загрижуваат постапките на насилство кои се случуваат во редовите на власта. Ваквиот чин на физичка пресметка ја покажува нервозата во редовите на власта и истата е срам за институциите, изјави на денешната прес конференција, Марија Митева, портпаролка на ВМРО-ДПМНЕ.
Таа истака дека кога СДСМ и ДУИ ќе се договорат за 14 изгорени луѓе од Тетово, сложно велат дека виновен е кабелот, а кога не може да се договорат за бизниси физички се пресметуваат во центарот на Скопје како што беше случај со Бислимоски и синот на Џафери.
– Марко Бислимоски е поранешниот член на партиската комисија за енергетика во СДСМ. Муса Џафери, чиј што син физички го нападна е функционер во ДУИ. Ваквото дивеење среде главниот град е срам за државата. Обвинителство да ги повика, да кажат што делат или што множат двајцата од власта. Да се истражи не само чинот за физичка пресметка туку и мотивите за истата, посочи Митева.
