Меѓународниот монетарен фонд (ММФ) ги намали прогнозите за раст на глобалната економија, наведувајќи ја како причина заканата од украинската криза и забавување на големите пазари во експанзија.
Според оценките на ММФ, глобалната економија оваа година ќе оствари раст од 3,6 отсто, а следната од 3,9 отсто, кои што ќе ги предводат двете најголеми светски економии, САД и Кина.
Најновите прогнози за 0,1 отсто се пониски во однос на јануарските проекции, кога Фондот беше далеку пооптимистичен, се’ до моментот на избивање на кризата во Украина и присоединување на полуостровот Крим кон Русија.
И покрај тоа, глобалната економија, според оценките на ММФ, забележала поголем напредок во однос на минатата година.
