Поради големото невреме што ја зафати Словенија, Министерството за надворешни работи упати предупредување за сите македонски граѓани да ги напуштат загрозените подрачја, а за тие што планираат да патуваат или да транзитираат низ Словенија, препорака да проверат кои патишта се проодни, со насоки каде може да се обратат за помош доколку им е потребна.
„Министерството за надворешни работи информира дека поради големото невреме кое ја зафатило Словенија, затворени се голем број на патишта и автопатишта низ целата земја.
<
Ги повикуваме сите граѓани на Република Северна Македонија да ги напуштаат загрозените подрачја, особено подрачјата покрај реките. Исто така ги повикаме граѓаните кои планираат да патуваат во Словенија или транзитираат преку неа, да проверат кои патишта се слободни“ – стои во соопштението од МВР
Македонските граѓани доколку се наоѓаат во погодените региони и имаат потреба од евентуален помош, треба да ја контактираат Амбасадата на Северна Македонија во Љубљана, на следните телефонски броеви: +386 1 421 00 21; +386 41 544 222 или на следната е-маил адреса [email protected]
Дополнително, македонските државјани може да се обратат и до Министерството на дежурниот телефонски број +389 75 273 732 и следната е-меил адреса: [email protected].
