Русија денеска ја обвини Украина дека распоредила половина од својата армија – или 125.000 војници – во зоната на конфликтот во Донбас, каде што украинските владини сили се борат со сепаратистите поддржани од Москва од 2014 година.
Обвинението го упати портпаролката на руското Министерство за надворешни работи Марија Захарова на брифинг во Москва. Засега нема одговор од Киев.
Русија вели дека е загрижена за намерите на Украина во време на зголемени тензии меѓу двете земји поради стравувањата на Западот од нов руски напад на украинска територија. Москва ги отфрла овие наводи како влевање страв.
Извор: МИА
