Градските власти на Москва би можеле да отворат продавници за продажба на исклучиво руски производи, со што би се замениле производите кои се забранети за увоз од САД и ЕУ и уште неколку земји, пишува денеска „Известија“.
„Во нашите супермаркети, уделот на увезени производи е висок. Увезуваме дури и компир и цвекло,“ изјави Владлен Максимов од државното одделение за трговија.
Тој додаде дека на продавниците ќе им биде потребно некое време да се прилагодат на новите услови и да склучат нови договори со добавувачите.
„Во секој случај на Москва и недостасуваат мали продавници и киосци кои продаваат само руски проиизводи,“ додаде Максимов, а пренесува Итар тас.
Рускиот премиер Дмитриј Медведев вчера ја потпиша одлуката за едногодишна забрана на увоз на говедско, свинско и пилешко месо, млеко и риба од ЕУ, САД, Австралија Канада и Норвешка.
Забраната е воведена како одговор на санкциите кои против Русија ги воведоа САД, ЕУ, Канада и Јапонија.
