Граѓанската асоцијација МОСТ досега не регистрира неправилности на гласачките места на коишто имаат нивни набљудувачи, беше истакнато на денешната прес-конференција на МОСТ.
Како што беше посочено, според податоците од ПВТ програмата, за одѕивот на гласачите по изборни единици, во ИЕ 1 до 11 часот гласале 17,62 проценти, до 12 часот 22,82, до 13 часот 27,58 отсто и до 13 часот 32,02 отсто.
Во ИЕ 2, според МОСТ, до 11 часот гласале 15,09, до 12 часот 19,79, до 13 часот 24 и до 14 часот 27,79 отсто, додека во ИЕ 3 до 11 часот 19,41, до 12 часот 24,78, до 13 часот 29,41 и до 14 часот 33,74 отсто.
Во Изборната единица 4 до 11 часот гласале 18,74, до 12 часот 24,24, до 13 часот 29,16 и до 14 часот 33,73 отсто. Во ИЕ 5 до 11 часот гласале 15,81, до 12 часот 20,49, до 13 часот 24,98 и до 14 часот 29,11 проценти.
Во Изборната единица 6 до 11 часот своето право на глас го оствариле 8,97 отсто, до 12 часот 12,72, до 13 часот 16,62 и до 14 часот 20,72 проценти.
