Маж е тешко повреден откако со мотоциклот со кој управувал се судрил со автомобил во понеделникот рано попладнето на булеварот во скопската општина Кисела Вода, извести Министерството за внатрешни работи.
На 27.07.2020 во 15.15 часот на булеварот „Борис Трајковски“ во Скопје се случила сообраќајна незгода меѓу мотоцикл „хамачи“, без регистарски ознаки, управуван од 32-годишниот В.Б.(32) од Скопје и автомобил возило „цитроен берлинго“, со скопски регистарски ознаки, управувано од 39-годишниот Љ.С. од Скопје, информираат од МВР.
По незгодата, В.Б. бил пренесен во Комплекс клиники „Мајка Тереза“, каде му биле констатирани тешки телесни повреди.
Увид на местото на незгодата извршила увидна екипа од СВР Скопје.