Менаџерот на Манчестер Јунајтед, Жозе Мурињо вербално го нападнал Пол Погба и тоа пред сите останати играчи во соблекувалната. Тој дрско му се обратил по завршувањето на натпреварот против Саутемптон, кој заврши нерешено, со резултат 2-2.
Извор за весникот „Сан“, соопштил дека Мурињо го споредил францускиот играч со „вирус“.
„Ти си како вирус во затворена соба, а вирусот го пренесуваш на сите. Ти не играш, ти не ги почитуваш фудбалерите и навивачите, ти го убиваш карактерот на добрите и чесните луѓе околу тебе“, му соопштил Мурињо на Погба, пред очите на сите соиграчи.
Последниве месеци меѓу двајцата постојат навистина тензични односи, а дури и се шпеклира дека токму Мурињо е причината Погба да искористи можност за трансфер, во наредниот преоден период.