Американските муслимани се загрижени бидејќи празникот Курбан бајрам годинава најверојатно ќе биде на 11 септември, на 15-годишнината од нападот на Ал Каеда на Светскиот трговски центар во Њујорк и врз Пентагон во Вашингтон.
Американските муслимански лидери предупредуваат дека можно е погрешно да биде протолкувано одбележувањето на Бајрам како славење на нападите во кои загинаа речиси 3.000 луѓе, објави Ал Џезира.
Хабиб Ахмет, претседател на Исламскиот центар на Лонг Ајланд за „Њујорк тајмс“ изјави дека некој лесно би можел „погрешно да го разбере“ одбележувањето на Курбан Бајран, и да каже „видете ги овие муслиманите, тие го слават 11 септември“.
