На 23.07.2022 во 23.30 часoт на место викано „Каменот“ во Богданци, полициски службеници од Полициската станица за граничен премин и граничен надзор „Стар Дојран“ го лишиле од слобода Д.М.(44) од Скопје, соопшти МВР.
При преглед во товарно возило „Сканиа“ со приколка, кое го управувал Д.М., биле пронајдени 86 лица мигранти од Пакистан, Сирија и Индија, меѓу кои имало и малолетни лица.
Мигрантите биле пренесени во прифатниот транзитен центар „Винојуг“ во Гевгелија. Возачот бил задржан во полициска станица и по целосно документирање на случајот против него ќе биде поднесена соодветна пријава.
