На барање на Основното јавно обвинителството МВР трага по уште шестмина од вкупно 36 осомничени во врска со настаните од 27-ми април.
Обвинителство ги гони за „терористичко загрозување на уставниот поредок и безбедноста“.
Министерот Спасовски посочи дека вчера се трагало по 12 лица, а денеска бројката е намалена на шестмина. Министерството нема добиено допис од обвинителството за распишана потерница по нив.
Додаде дека наредбите за претрес траат 15 дена, а полицијата постапува врз основа на наредбите што ќе ги добие. Според Спасовски нема повреда на правата во постапката на приведување на лицата, осомничени за настаните од 27 април.