Грчката полиција уапси членови на криминална организација позната како „крофна мафија“, која дејствувала на плажите на Халкидики. Според грчките медиуми, уапсени се 12 лица на возраст од 17 до 52 години, како и водачот на групата, 39-годишен Грк, јавуваат грчки медиуми.
Тие се уапсени за кривични дела криминална организација, изнуда, трговија со луѓе, кршење на законите поврзани со спречување и сузбивање на перење пари и кршење на Законот за оружје, пренесува порталот Вориа.
Групата ангажирала странски државјани да продаваат крофни на 19 плажи на Халкидики, а доколку се спротивстават, им се заканувале со смрт и со физички казни.
Се проценува дека просечно заработувале од 600 до 1.200 евра дневно, во зависност од тоа дали крофните ги продавале за две или за три евра.
