Три лекарки од Универзитетската Клиника за пулмологија се позитивни на коронавирус, потврди во четвртокот директорот на таа клиниката во рамките на скопскиот Клинички центар „Мајка Терза“, Дејан Докиќ.
Две од нив досега немаат симптоми, додека едната има гастроинтестинални симптоми. Со трите новопотврдени досега седум здравствени работници од Клиниката се позитивни на коронавирусот. Докиќ притоа посочува дека докторките од 30-ти март се во домашна изолација и вчера им било направено тестирање кое покажало дека се позитивни.
„На 21-ви април (вторник) ќе им биде направено уште едно тестирање. Првозаразената наша вработена е медицинска сестра од Куманово, која со вирусот се заразила во местото каде живее. Најверојатно дека докторките и другите медицински лица меѓусебно се инфицирале, можеби додека јаделе заедно во кујната“, рече д-р Докиќ.
