Најмалку 73 лица загинаа во разорните поплави што ги зафатија југоисточните делови на Шпанија, а по десетици исчезнати лица се уште се трага. Валенсија и околните населени места беа најтешко погодени, а поплавите зафатија и одредени делови на Кастиља-Ла Манча. Прогласена е тридневна жалост.
Премиерот Педро Санчез вети брза помош за погодените од катастрофата, нудејќи ги „сите расположливи средства“.
– Нема да ве оставиме. Цела Шпанија плаче со вас – вели Санчез.
Регионалната влада потврди дека најмалку 70 луѓе загинаа само во најтешко погодениот источен регион Валенсија.
Уште две тела беа пронајдени во соседниот регион Кастиља-Ла Манча, а десетици луѓе се водат за исчезнати.
Метеоролошката служба АЕМЕТ соопшти дека ситуацијата во Шпанија нема целосно да се олесни до утре.
Поради поплавените или блокирани патишта спасувачите водат тешка борба да стигнат до областите погодени од катастрофата.
Голем дел од хуманитарната работа се изведува со хеликоптери.
Многу луѓе се заробени во куќи, канцеларии или во трговски центри и упатија итни повици на социјалните мрежи. Многумина се јавуваат и во медиумите, бидејќи не можат да контактираат со пријатели и роднините.
Lo de Valencia deja de ser grave para pasar a ser trágico.
— Josema Vallejo (@JosemaVallejo) October 29, 2024
El canal 24h hablando de "la cultura" y el "balón de oro" en lugar de dar información en directo.
El presidente paseando en la India.
Los servicios de emergencia jugándose la vida y los ciudadanos sufriendo.
Recemos. pic.twitter.com/DoeTzkBHqt
