Најмалку осум лица загинаа денеска во несреќата откако се урна настрешницата на Железничката станица во Нови Сад, изјави министерот за внатрешни работи Ивица Дачиќ.
„Од урнатините се извлечени осум тела, четворица се живи, на едно лице му се ампутирани нозете. Во контакт сме со две лица под урнатините“, изјави Дачиќ.
Тој рече дека спасувачите биле на местото на несреќата неколку минути по повикот.
„Во спасувањето учествуваат близу 80 спасувачи од повеќе градови. Акцијата е исклучително тешка“, посочи тој.
„Ова е еден од најтешките денови во повоената историја на Нови Сад и страшна трагедија. Во име на Владата и на сите граѓани на Србија, сакам да изразам сочувство до семејствата на жртвите. И да им се заблагодарам на сите спасувачи кои се борат да им помогнат на луѓето под урнатините“, изјави српскиот премиер Милош Вучевиќ.
Тој додаде дека ќе инсистира да се најдат одговорните и оние кои морале да ги предупредат надлежните дека одредени работи мора да се поправат.
„Ова е еден од најтешките денови во повоената историја на Нови Сад и страшна трагедија. Во име на Владата и на сите граѓани на Србија, сакам да изразам сочувство до семејствата на жртвите. И да им се заблагодарам на сите спасувачи кои се борат да им помогнат на луѓето под урнатините“, изјави српскиот премиер Милош Вучевиќ.
Тој додаде дека ќе инсистира да се најдат одговорните и оние кои морале да ги предупредат надлежните дека одредени работи мора да се поправат.
