На патниот правец Струга – граничен премин Ќафасан, на делницата од бензинска пумпа Камара – месност викана Мали Влај, на учесниците во сообраќајот им се препорачува намалување на брзината на движење до 40 километри на час поради изведување градежни работи на пат (крпење на ударни дупки).
Како што соопшти АМСМ, сообраќајот на државните патишта се одвива непречено по наместа влажни коловози.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
