Западните функионери не гледаат изгледи за пробив во војната во „Планот за победа“ на украинскиот претседател Володомир Зеленски и го нарекуваат „листа на желби“, пишува агенцијата Bloomberg News, повикувајќи се на извори.
Еден од соговорниците на агенцијата рекол дека планот на украинскиот претседател „нема вистински изненадувања и не е сериозна промена на правилата на игра“. Тие сакаат да слушнат од Зеленски како може да изгледа крајот на војната. Најмалку една западна земја предложи почеток на преговори на оваа тема со Руската Федерација.
Сојузниците разговараат за можноста за зближување со Владимир Путин пред состанокот на Г-20 во Бразил, закажан за ноември, пишува Bloomberg
„Проценката на документот го нагласува растечкото чувство на песимизам меѓу сојузниците додека воениот конфликт се одолговлекува, што сугерира дека е време за нова рунда контакти со претседателот Владимир Путин, без разлика дали е Зеленски или се други лица“, изјавиле повеќе официјални лица. И сите се согласуваат дека е малку веројатно дека „планот за победа“ на Зеленски ќе го промени текот на војната.
Зеленски рече дека спроведувањето на планот може да овозможи завршување на војната во догледна иднина, не преку територијални и други отстапки и преговори со Русија, туку со принудување на Москва да склучи мир според условите на Киев. Сепак, точките од планот не содржат никакви одлуки кои би можеле толку радикално да ја променат ситуацијата на бојното поле и да ја наведат Русија да ги прифати украинските мировни услови, оценуваат западдните сојузници.
Шефот на кабинетот на претседателот на Украина, Андриј Јермак, официјално потврди дека покана за НАТО е дел од „победничкиот план“ на Володимир Зеленски.
„Поканувањето на Украина во НАТО е дел од победничкиот план. Ги повикав и нашите партнери да не ја земаат предвид заканата од ескалација од Русија“, изјави Јермак.
Зеленски го замоли американскиот претседател Џо Бајден да ја одобри официјалната покана за НАТО за Украина и да се обврзе на редовна испорака на „напредно оружје“.
Планот „исто така повикува на јасен пат до членство во Европската унија, како и други економски и воени договори“. Според украинскиот претседател, тоа „ќе го натера Владимир Путин да бара мир“.
Киев е исто така загрижен дека прекинот на огнот без Западот да ги исполни таквите украински барања ќе ѝ овозможи на Русија повторно да нападне по повторното вооружување.
Руските војници ја пробиле одбранбената линија на Вооружените сили на Украина долж реката Кашлагач западно од Угледар, а борбите се водат на помалку од еден километар од патот кон Богојавленка, кој го снабдува Угледар. Покрај тоа, Русите значително напредуваа јужно од Селидов. Мапата на Пентагон покажа дека руската армија го пресекла патот за снабдување меѓу Селидов и Чукурин. Позициите на вооружените сили на Украина во Торецк, како и во областа на реката Оскол јужно од Купјанск, исто така, се влошуваат.
Американскиот претседател Џо Бајден во своето последно обраќање на Генералното собрание на Обединетите нации изјави дека војната „на (рускиот претседател Владимир) Путин е неуспешна и дека светот мора да избере дали ќе ја поддржи Украина или ќе се дистанцира од таа агресија“.
Веднаш пристигнаа оценки дека Бајден наместо реална проценка на ситуацијата во Украина, на светот му ја сервира својата листа од желби и надежи.
Унгарскиот министер за надворешни работи и трговија Петер Сијарто, пак, претходно во вторникот во Њујорк изјави дека „барањето на Украина оружјето што го снабдуваат сојузниците да се користи за цели на територија на Русија би претставувало сериозен ризик од ескалација“
