Преку програмите за самовработување на Агенцијата за вработување исто така се пласираат пари кај фирмите.
Преку програмата за самовработување со кредитирање се обезбедува можност за подигање кредит во износ од 3.000 евра, односно до 5.000 евра во зависност од дејноста на бизнисот, со грејс период од 12 месеци и период на враќање 48 месеци. Преку програмата за кредитирање на правни субјекти за отворање на нови работни места компаниите за секој нов вработен – до пет вработени максимум, добиваат по 3.000 евра по вработен со каматна стапка од 1 отсто годишно. Преку Програмата за самовработување со кредитирање на млади лица до 29 години се предвидува на кредитобарателот да мусе одобрат до 7.000 евра, а за секое новоотворено работно место можат да му се одобрат дополнителни 4.000 евра при што се финансираат проекти со најмногу 5 работни места, односно 23.000 евра.
Средствата се одобруваат со каматна стапка од 1 отсто годишно со рок на враќање од 7 години и грејс период од 18 месеци. Со Програмата за кредитирање на правни субјекти за отворање на нови работни места за млади лица за компаниите кои имаат потреба од вработување млади лица им се одобрува дополнителни 1.000 евра по вработен на основниот износ од 3.000 евра. Со мерката ”Од идеја до бизнис” се доделува грант од 3.000 евра за новорегистриран сопствен бизнис. Со мерката ”Субвенционирано вработување” компаниите се субвенционираат со бруто-плата од 13.000 денари во период од 6 месеци по нововработен. Агенцијата овозможува и финансиска поддршка за отворање на нови работни места во мали и средни претпријатија и занаетчии од мал обем со неповратни средства во вид на опрема и материјали до 96.000 денари по работно место. Се субвенционираат и вработуваната на ранливите категории – деца без родители и инвалидни лица.
Владата ја подобрува ликвидноста и преку индиректни мерки
Владата ја подобрува…
