Во борбата со пламените јазици се вклучени војници, специјалци од националната шумска корпорација, пожарникари доброволци, државни службеници и вработени во приватни компании. Помош укажуваат и над 600 странци.
Во активностите за справување со огнената стихија се мобилизирани 42 летала на чилеанските служби, од САД е испратен авион „Боинг 747-400 Супертанкер“ (најголемиот авион за борба со пожари), од Русија е испратен авионот „Ил-76“, а пристигнаа и два бразилски авиона „Ц-130 Херкулес“.
Според најновите податоци пожарите, што веќе неколку недели беснеат во централниот и јужниот дел на Чиле, ја предизвикаа смртта на 11 лица и уништија над 1.000 станови и куќи. Пеплосани се површини од 370. 000 хектари.
