Надал во четвртфиналето на турнирот во Париз

Рафаел Надал ќе го гледаме во четвртфиналето на АТП Мастерсот во Париз, откако првиот фаворит за титулата во Франција ја мина и втората пречка во денешната програма во Берси Арена.

Шпанскиот тенисер вчера мораше да прави пресврт против сонародникот Фелисијано Лопез за да стигне до својата јубилејна 1000-та победа во кариерата, но денеска докажа дека не е задоволен само со тоа остварување, туку е дојден по титулата во својот омилен град на професионално ниво.

Надал денеска одигра фуриозен прв сет во кој не му даде никаква шанса на Џордан Томпсон (6:1), но сепак Австралиецот покажа повеќе отпор во вториот сет и го одведе истиот во неизвесна завршница.

Тајбрејкот го реши победникот во вториот сет, каде Надал сепак покажа класа во 13-от гејм кој го доби во своја корист со 7:3 за пласман во наредната рунда.

Во оваа фаза, Рафа ќе има уште една пресметка со свој добар познаник, бидејќи ривал ќе му биде повторно негов сонародник, Шпанецот Карењо Буста.

Доколку преземете содржина од оваа страница, во целост сте се согласиле со нејзините Услови за користење.