Најмалку 30 луѓе се убиени при нападот врз административните згради во Кабул, соопшти авганистанското Министерство за внатрешни работи.
Меѓу загинатите 26 се цивили и еден полицаец. Тројца напаѓачи се убиени во операција на авганистанските безбедносни сили, при што се ослободени и 260 луѓе, кои беа заложници на екстремистите.
Во нападот повредени се 17 лица, 16 цивили и еден полицаец.
Две од трите нападнати згради веќе се проверени од припадниците на авганистанските безбедносни сили, а се пребарува третата зграда од екстремисти за да се ослободат евентуални заложници.
Нападот почна со активирање на автомобил-бомба, а потоа екстремистите отворија оган и влегоа во административните згради земајќи заложници.
Засега се уште никој не презеде одговорност за нападот.
Тоа е 22 напад во Кабул од почетокот на годината, при што вкупно загинаа над 510 луѓе, а повредени се повеќе од илјада.
