Мажот обвинет дека со нож го избоде писателот Салман Ружди минатата седмица во западниот дел на американската сојузна држава Њујорк, се изјаснил како невин за обид за убиство со предумисла и ранување во четвртокот и задржан е во притвор без можност за плаќање кауција.
Дваесет ичетиригодишниот Хади Матар е обвинет за ранување во 75-годишниот Салман Ружди минатиот петок непосредно пред авторот на контроверзните „Сатански стихови“ да одржи предавање во гратче близу езерото Ири.
Ружди беше хоспитализиран со тешки повреди, а писатели и политичари ширум светот порачаа дека станува збор за напад врз слободата на изразување.
Ружди е тешко повредени во нападот. Оштетени сме нервите во раката, повреден му е црниот дроб и веројатно ќе го загуби едното око, соопшти неговиот агент.
Полицијата објави дека верува оти Матар дејствувал сам. Тој е роден во Калифорнија во шиитско семејство по потекло од Либан.
Матар е обвинет пред окружниот суд на округот Шатокуа според обвинението кое претходно денеска ја врати големата порота кога го товареше за една точка за обид за убиство од втор степен и една точка за напад од втор степен.
Во интервјуто за The New York Times во средата Матар изјави дека го почитува ајатолахот Хомеини, но не сакаше да одговори дали бил инспириран од фатвата. Рече дека „прочитал неколку страници“ од „Сатански стихови“ и оти ги гледал на YouTube водеозаписи на Ружди.
„Не ми се допаѓа многу… Тој е некој кој го нападна исламот, ги нападна исламските уверувања и системот на верување“, рече Матар за Ружди.
Ружди беше нападнат 33 години откако тогашниот врховен ирански водач ајатолахот Хомеини издаде фатва против писателот, повикувајќи ги муслиманите да го убијат него и сите поврзани со издавањето на книгата, неколку месеци по објавувањето на „Сатанските стихови“. Некои муслимани сметаа дека делови од книгата за пророкот Мухамед се бласфемични.
Ружди, кој е роден во Индија во муслиманско семејство во немирната област Кашмир, мина години сокривајќи се под заштита на британската полиција и служби.
Прореформската иранска влада на претседателот Мухамед Хатами во 1998 година се огради од фетвата порачувајќи дека повеќе не постои закана за Ружди.
Но наградата од 3,5 милиони долари за убиството на Ружди мотивирала многу радикални исламисти. Покрај тоа, се водеше и религиска полемика дали фатвата може да биде повлечена и кога престанува да важи. Постоеја толкувања дека таа престанува со смртта на оној кој ја издал, но во 2019 година наследникот на Хомеини, иранскиот врховен водач ајатолахот Али Хамнеи беше исклучен од Twitter откако објави дека фатвата против Ружди е „неотпвиклива“.
Иранското министерство за надворешни работи во понеделникот соопшти дека вината за вмешаност во нападот не треба да се префрла врз Техеран.
