Украинските напори да ги нападнат руските региони Белгород и Курск во вторникот наутро се спречени, при што трупите на Киев претрпеа значителни загуби, објави Министерството за одбрана во Москва.
Според Министерството, украинската војска, поддржана од тенкови и оклопни борбени возила, го нападнала регионот Белгород истовремено од три правци околу 3 часот по локално време, откако прво извршила силно бомбардирање на цивилната инфраструктура.
Сите напади, сепак, на крајот беа одбиени од руските сили, објави Министерството. Се тврди дека украинските војници биле принудени да се повлечат без да ја нарушат границата, откако претрпеле големи загуби и биле цел на проектили, артилерија и авијација.
Силите на Киев загубија до 60 војници, пет тенкови и едно оклопно борбено возило во неуспешниот напад на регионот Белгород, соопшти Министерството.
„Во регионот Курск, украински диверзантски и извидувачки групи, исто така, се обидоа да ја преминат границата во близина на селото Тјоткино околу 8 часот по локално време“, соопшти Министерството. „Откако претрпеа значителни загуби, тие на крајот беа принудени да се повлечат“, се додава.
Нападите од вторникот се најнови во низата неуспешни обиди на украинската војска да ја пробие руската граница во последните денови. Руската Федерална служба за безбедност (ФСБ) тврди дека од 10 март, Киев изгубил над 100 војници, шест тенкови, француски артилериски систем Цезар и 20 оклопни возила во неуспешните обиди за упад во регионите Белгород и Курск.
