Полицијата денеска информира дека се работи за 47-годишната П.И. која била вработена како дадилка во куќата на 41-годишната Д.Р. на која и го чувала детето. Жената го почнала денот како и секој друг, не ни насетувајќи што ќе и се случи, се додека засега непознат насилник не влегол во куќата. Тој ја удрил дадилката со тврд предмет во главата, по што таа паднала и се онесвестила, па тој и ги врзал рацете и устата со самолеплива лента, по што претурил се во куќата, а откако не нашол ништо, излегол.
На П.И. и била укажана медицинска помош и констатирани и биле телесни повреди од страна на лекар од Итната медицинска помош.
Полицијата презема мерки за пронаоѓање на сторителот и целосно расчистување на случајот.
