Германските производители на машини повторно добија значително помалку нарачки во јануари отколку пред една година, предупреди во понеделникот здружението за инженерска индустрија VDMA, а побарувачката во еврозоната особено ослабе.
Новите нарачки за машини и фабричка опрема се намалени за 10 отсто во јануари во споредба со истиот период лани, утврди здружението.
Домашната побарувачка се намалила за 11 отсто, а странската за девет отсто, објави VDMA, забележувајќи пад на нарачките од другите членки на еврозоната за 19 отсто.
Побарувачката од „третите“ земји падна за пет отсто.
„Сè уште нема позитивни стимулации за раст и нарачки“, вели главниот економист на VDMA, Ралф Вишерс.
Во периодот од ноември до јануари побарувачката реално се намали за 10 отсто. Домашните нарачки паднаа за 13 отсто, а оние од странските пазари за осум отсто.
„Имаме уште долг пат до закрепнувањето на глобалната економија, а прогнозите за раст на Германија дури се повлечени“, потсетува Вишерс, нагласувајќи ги „геополитичките предизвици и неизвесноста“.
Последните владини пресметки покажаа дека економијата годинава ќе порасне само за 0,2 отсто. Минатата есен, бројките покажаа зголемување на активноста од 1,3 отсто во 2024 година.
