Народна банка реагира на барањето на сопственикот на Еуростандард банка, кој денеска ги повика сите политичари и други чинители, да му помогнат да ја спаси банката.
Велат дека работеле согласно законите и штитетјќи го интересот на граѓаните, а дека со денот на носењето на Решението за укинување на дозволата, престануваат нивните надлежности.
„Народната банка ја укина дозволата за основање и работење на „Еуростандард банка“ АД Скопје на 12 август 2020 година, заради несолвентност на Банката, односно неисполнување минимални законски услови за работа на банка, при неостварување на преземената обврска од сопствениците за навремено обезбедување на неопходниот капитал за работа на Банката, од сопствени извори или од потенцијален инвеститор којшто ги исполнува законските услови и критериуми за акционер на банка.
Согласно со законската регулатива, со денот на донесувањето на Решението за укинување на дозволата за основање и работење на банка, банката престанува со работа и престануваат надлежностите на Народната банка.
Како што веќе имаме истакнато, при остварување на своите законски утврдени цели и задачи, Народната банка се води исклучиво од законите, притоа штитејќи го интересот на граѓаните“, се вели во реакцијата од централната банка.
