Кошпаркарите на Далас Маверикс го добија петтиот натпревар од финалето на НБА лигата, победувајќи ги Бостон Селтикс ноќта кон сабоата на домашен терен со неверојатни 122:84.
Лука Дончиќ постигна 25 од своите 29 поени во првото полувреме, а Кајри Ирвинг додаде 21 поен за Далас, кој сега ја намали серијата до четири победи на 1-3. Тим Хардавеј додаде 15 поени за Маверикс. Селтикс ги предводеше Џејсон Тејтум со 15 поени. Сем Хаузер додаде 14 поени, а Пејтон Причард 11.
Серијата сега се враќа во Бостон за натпреварот број 5 кој ќе се игра во понеделник.
Маверикс брзо започнаа и водеа со 34:21 до крајот на првата четвртина. На пауза заминаа со предност од 61:35. Во продолжение Далас имаше дури и 48 поени предност на нешто помалку од шест минути пред крајот (115:67) по „тројката“ на Џејден Харди.
Конечната разлика во полза на Маверикс од 38 поени е третата најголема во историјата на финалињата на НБА лигата. Чикаго Булс ги победија Јута Џез со 42 поени разлика во третиот натпревар во 1998 година, а Селтикс ги победија Лос Анџелес Лејкерс со 39 поени разлика во шестиот натпревар во 2008 година.
Тренерот Џејсон Кид имаше едноставно објаснување зошто неговиот Далас Маверикс играше онака како што играа во петокот навечер.
„Беше ова или ќе одиме на одмор“, рече Кид.
„Навистина е едноставно. Бевме спремни за заминување. Тие беа подготвени да слават. Заземавме став. Бевме очајни. Мора да продолжиме да играме на овој начин, да сфатиме дека тие се обидуваат да најдат начин да ја затворат вратата“, изјави тренерот на Далас, Џејсон Кид.
