Хрватскиот кошаркар Бојан Богдановиќ од Детроит Пистонс се пресели во Њујорк Никс, објави ESPN.
Спортската мрежа тврди дека Њујорк Никс ги добива Бојан Богдановиќ и Алек Буркс од Детроит Пистонс во замена за Квентин Грајмс, Еван Фурние, Малачи Флин, Рајан Арчидиаконоу и двајца идни пикови од втората рунда.
За 34-годишниот Богдановиќ, Њујорк Никс ќе биде шестиот НБА клуб за кој настапувал по Бруклин Нетс, Вашингтон Визардс, Индијана Пејсерс и Јута Џез, додека тој ќе биде и третиот хрватски играч во историјата на Никс, по Бруно Шундов и Марио Хезоња.
Богдановиќ последните две сезони играше во Пистонси, а во оваа сезона 2023/24 има просек по натпревар од 20,2 поени и шутира 46,8 отсто од поле и 41,5 отсто за три поена.
Никс се моментално третопласираниот клуб на Истокот, додека Детроит е убедливо најлошиот тим во лигата кој забележа годинава рекордна низа порази.
