Детроит Пистонс го загубија и 26. натпревар во низа и израмнија негативен рекорд во НБА лигата. Микал Бриџис постигна 29 поени и ги предводеше Бруклин Нетс до победата од 126:115 над Детроит Пистонс, кои постигнаа рекорд во НБА со нивниот 26-ти последователен пораз во саботата вечерта во Њујорк.
Пистонс, така, станаа третиот тим кој загуби 26 последователни натпреври во една сезона, приклучувајќи им се на Кливленд Кавалирс во 2010/11 година и Филаделфија 76ерс во 2013/14.
Детроит ги постигна првите шест поени од натпреварот, но никогаш не го врати водството откако заостана со 15:16 на нешто повеќе од пет минути до крајот на првата четвртина. Џејден Ајви ги предводеше Пистонс со 23 поени, седум асистенции и шест скока. Кејд Канингем додаде 22 поени, Бојан Богдановиќ впиша 19 поени, 8 скока и 4 асистенции.
Лука Дончиќ за само три четвртини впиша 39 поени, 12 скока и 10 асистенции и го предводеше Далас против Сан Антонио со 144:119. Ова е шести „трипл-дабл“ на Дончиќ оваа сезона и 62-ри во кариерата, што е деветти во историјата на лигата. Сан Антонио играше без дебитантскиот феномен Виктор Вембањама, поради истегнување на десниот зглоб.
Селтикс ги победија Клиперси со 145:108, а Бостон погоди 25 од 53 обиди за три поена за победа на гостувањето во Лос Анџелес. Џејсон Тејтум ги предводеше Селтиксисо рекордни 30 поени сезонава. Тоа беше првпат Селтикс да постигнат најмалку 140 поени во последователни натпревари од 1966 година. Пол Џорџ постигна 21 поен за Клиперс.
Леброн Џејмс оствари 40 поени, седум скока и седум асистенции за Лос Анџелес Лејкерс кои ја прекинаа серијата од три победи на домашните Оклахома Сити Тандер. Откако неговиот тим загуби четири последователни дуели, тренерот на Лејкерс, Дарвин Хем, го измеша почетниот состав, вметнувајќи го Џеред Вандербилт на местото од Д’Анџело Расел. Расел заврши со 15 поени, Ентони Дејвис собра 26 поени, 11 скока и седум асистенции, додека Руи Хачимура додаде 21 поен од клупата. Шаи Гилџеус-Александер ги предводеше Оклахома Сити Тандер со 34 поени. Џејлен Вилијамс постигна 28 поени, а Чет Холмгрен забележа 19 поени и 10 скока.
Клеј Томпсон постигна рекордни во кариерата 28 поени, а Стивен Кари имаше 27 во победата на Голден Стејт Вориорс над Портланд Треј Блејзерс со 126:106 во Сан Франциско. Брандин Поџиемски впиша 15 поени, 10 скока и седум асистенции додека Вориорс ја забележаа петтата последователна победа во сезоната. Трејл Блејзерс ја прекинаа рекордната серија на Кари во НБА од 268 натпревари со најмалку една „тројка“ кога тимовите се сретнаа во Портланд минатата недела. Кари погоди „тројка“ при првиот посед на топката на Голден Стејт во саботата.
