Во првиот натпревар од овогодинешниот плеј-оф во американската професионална кошаркарска НБА лига, Кливленд Кавалирс на свој паркет ги совладаа Орландо Меџик со 97:83.
За кошевите на домашната екипа првенствено беше одговорен Донован Мичел, кој постигна 30, додека Џерет Ален впиша 16 поени и 18 скока.
Во младиот тим на Орландо, каде повеќето играчи го имаа својот прв натпревар во плејофот во кариерата, Паоло Банкеро беше најефективниот играч со 24 поени, додека Франц Вагнер додаде 18.
Пласман во второто коло од доигрувањето ќе оствари тимот што прв ќе постигне четири победи.
Подоцна ноќта кон неделата Минесота – Феникс, Њујорк – Филаделфија и Денвер – ЛА Лејкерс ќе ги одиграат првите натпревари во плејофот.
